噚日我喺blog講過，周中捱更抵夜睇歐聯全為周末聯賽大場面，所以今次貼士主要博多支球隊反底，不過荷甲波喺我眼中始終係強弱懸殊、只攻不守嘅聯賽，所以心水中心水，係力爭榜首嘅燕豪芬繼擊倒陸軍後，返聯賽作客今季異軍廸加史卓普，有力大炒，首選1.6倍嘅入球「大」，次選2.3倍「客勝」。
燕豪芬上仗喺爛地一球打敗莫斯科中央陸軍，表面上耗力甚大，但我可以話畀大家知，佢哋喺嗰場波根本毋須使出真功夫，𠵱家啲東歐球隊其實都幾不濟，呢隊陸軍差不多全場未有具威脅射門，燕豪芬尾段先施施然，換入兩位正前鋒高化文斯及堅尼夫佩雷斯入場；今場兩者勢復任正選，又可演入球騷。還有上周大炒精英隊時，秘魯射手法芬特登收起嚟打陸軍，若今次3箭齊出，任廸加史卓普這支「升班馬」如何神奇也現形，呢3分燕軍穩袋，再次力壓周日才出賽嘅阿積士，重返榜首。
廸軍今季打起只得18歲嘅年輕鋒將廸哥特，目前排第10，不過佢哋今季先後對阿積士及飛燕諾皆負兩球或以上；上場爆冷贏海倫芬，只恰對手缺養傷嘅「入球機器」艾方素，今場冇機會再爆。
阿仙奴讓得起維拉
次選作客嘅阿仙奴，唔怕馬會開佢哋讓4連勝嘅維拉平/半鬼盤，「夫添」打真軍穩勝；另外博紅鑽炒FC橫濱捧盃、季初主場曾炒格流嘅赫斯，今次主場打另一老虎些路廸嘅「主勝」、以及華倫西亞迎畢爾包可贏兩球或以上，均是周末心水之選，且看分散風險下，今周能否重拾勝軌。
近5場往績：輸輸贏輸走
蘋果波神
股市大旺，英超盛世，大家齊來贏多啲！