除咗日劇同鬼佬劇外，三色台嘅重播劇我都啱。記得早一兩年前追睇《創世紀》，近排就追《妙手仁心》。以三色台製作嘅劇嚟講，《妙手》系列算有水準，但我真係好唔明，點解啲醫生個個都係俊男美女，仲要鬼咁得閒。屋企都有人係做醫生，但聽佢講生活冇咁多姿多采，仲話蒲得多搞到第日唔夠精神斷錯症、開錯藥，分分鐘俾人釘牌。
今季日職聯喺今日煞科，浦和紅鑽只要作客贏FC橫濱，就可以成功衞冕。紅鑽係我愛隊，情感上我梗係想佢哋攞冠軍，而實際上，我亦認為佢哋做得到。猶記得佢哋喺今季聯賽揭幕日贏來訪嘅FC橫濱2:1，讀書嗰陣時老師教作文時要首尾呼應，我信佢哋一定得，可以用贏波嚟埋尾。
讓球主客和：浦和紅鑽勝[-1]
心得：信紅鑽可首尾呼應
近5場往績：輸輸贏走輸
青蛙仔
睇德國波同埋英國波大，大個之後攻埋日本波，兼且對日本藝能界幾有研究。