陳松伶、鄭嘉穎、楊怡及林熙蕾前晚在吉隆坡東方文華酒店出席Bonia服裝品牌晚宴及時裝騷，嘉穎與松松還擔任嘉賓獻唱，全場歌迷歡呼拍掌，場面熱鬧。
早前有傳37歲的松松與25歲內地男星張鐸因合作撻出愛火，還盛傳松松有喜，前晚見她身材的確圓潤不少，她又經常煞有介事地以手遮掩腹部，又用披肩遮擋，被問到是否懷孕，松松說：「肥咗啫，九個月後大家咪知囉。」
直認有男友
松松謂可能在北京生活常吃火鍋，故發福不少，問她是否未滿三個月才不公佈，松松說：「大家唔好諗咁多，開心就得，我同我另一半都好開心，講結婚就太快，但結婚一定會公佈。」問她是否贊成未婚產子，松松說：「我阿媽唔畀，我好傳統㗎，或者中間多誤會。」松松謂男友沒有報道般年輕，但她不想就戀情發表太多。
見嘉穎、楊怡及松松有傾有講，十分開心，事後問嘉穎是否恭喜松松，他說：「我哋冇傾呢啲，佢真係有咗就恭喜佢，不過佢真係豐滿咗，成個人精神又健康咗。」
採訪、攝影：王崇穎
