關之琳（之之）一向是圈中富婆，她前晚出席萬寶寶旗下珠寶活動，大談男人與鑽石。收藏10卡巨鑽的之之，揚言不會接受男士送5卡以下的「濕碎」鑽石，又指絕不貼仔、養仔，而作為大劉劉鑾雄好友多年，她仍沒收過男方送的巨鑽禮物，並笑住說：「真係離譜！」
前人大委員長萬里孫女萬寶寶，推出自家珠寶品牌BaoBaoWanFineJewellery，前晚在中環KeeClub舉行酒會及晚宴，吸引大批閨中好友捧場，如關之琳、羅寶文、榮雪梅、羅穎怡和郭秀雲等，而丈夫葉劍波被捕後一直失蹤的傅明憲也有到場，更大揀珠寶。
着睡衣戴吓
之之穿上Balenciaga外套配Chanel手袋，她展示手上的蝴蝶鑽石戒指，是萬寶寶所送的生日禮物。問她的珠寶收藏中，有否《色，戒》中那隻粉紅鑽戒般大？她說：「鴿子蛋？冇咁大，我最大嘅鑽石係10卡重，我自己買畀自己嘅。」沒男士送鑽石？她說：「𠵱家冇乜男士咁闊佬，送啲濕碎嘅，我都唔會收囉！」
問何謂濕碎，5卡也算？之之說：「我都買得起10卡，5卡梗係濕碎啦，所以我咪冇男朋友囉。」記者指她的講法與李嘉欣相似，她說：「多數女人都係咁，我一向敢愛愛敢敢恨。」她謂當年買的10卡鑽石已升值一倍有多，她說：「嗰次係自己黐咗線去買，𠵱家冇乜街去，喺屋企着住睡衣戴吓，女人有時就係要呢啲虛榮感。」
冇貼黃家諾
對於好友劉鑾雄愛買巨鑽，有否送贈給伊人？之之說：「冇喎！」記者笑指離譜，她聞言開心笑說：「係，真係離譜！」圈中有名富婆的她，可會接受月入一萬幾千的平凡打工一族做男友？她說：「唔係叫我貼佢啩？最少唔使我養佢啦。」當年有指她貼黃家諾（Jimmy），她說：「Jimmy唔使，咁樣寫侮辱佢，總之我同有錢人又唔得，冇錢人又唔得啦！」
賺錢還家人
作為主人家的萬寶寶，戴上70萬元蘭花形頸鏈，她說：「這次展出40件作品，設計概念都是帶中國色彩，如花、八角亭，主要攻美國、澳洲市場。」問她有否為爺爺萬里設計珠寶？她說：「沒有，他不喜歡這些。」她又謂生意是為賺錢，她說：「投資的錢是家人借給我，雖然沒收我利息，但要還的。」她續說：「其實我第一份工作，是在香港一間銀行做marketing，很辛苦，做了三個月，辛苦得躲在廁所流淚，所以我決心要做生意。」
採訪：RitaLeung
攝影：ChenWaiOn
