方力申前晚去理工綜藝館做音樂會表演嘉賓，對於早前鍾欣桐（阿嬌）同麥浚龍拍親熱戲，小方即時投訴點解佢冇得咀阿嬌，所以佢寄望下次拍戲時咀番。當大家取笑小方私底下有得咀阿嬌時，佢即刻否認，但就表現得好尷尬。另外有份出席活動嘅李威樂（Don）得到「最好Blog男藝人」獎，佢聽到司儀宣佈個獎項名時，喺台上忍唔住大笑。