上次同大家見面，抱住必勝把握攬咗隊紐卡素，點知被利記蹂躪，自己損手亦令捧場客失望，總結上個禮拜戰績，簡直死得轟轟烈烈，連擂台個榜首位都喺尾二日被隊友反超前！
不過，賭錢呢家嘢係講時來運到，好似上周國米對阿特蘭大場波，老友H以「細」作膽，攻兩條2串1過關，原本諗住踢完半場已可撕飛，豈料拎出嚟想看個究竟之際，居然劃錯飛，一條飛買大，一條飛買細，最後仲有錢落袋，吉人先有天相啊；劃錯飛嘅賭友每日十指難數，但當中贏錢嘅又寥寥無幾……今次我想扒冷要艾美利亞！
主客和：艾美利亞勝
心得：「美」媚唔怕俾人「維」
近5場往績：輸贏贏輸輸
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。