藝人在聖誕節通常都要工作，好像二人女子組合Krusty與歌手Oscar今年完成工作，便會急急與朋友開派對盡興一番。成員活己嵐憧憬與愛侶過甜蜜聖誕，她更表示聖誕大餐一定要與男友享受才夠羅曼蒂克。
女子組合Krusty的張詠恩（阿Jan）每年聖誕都會呼朋喚友到家中慶祝，她更會擔任大廚，炮製十多款小食宴客，雖然與朋友共度佳節份外開心，但歡樂過後阿Jan要獨力清潔，她日前說：「我年年都會叫成班朋友上我屋企，但係次次玩完第二日我間屋就好似俾人打劫完一樣，要用一日時間去執屋，執執吓就會喺梳化底執到條意粉或雞翼骨。」
Oscar買廁紙抽獎
Krusty另一成員活己嵐十分享受街上人頭湧湧的熱鬧氣氛，所以她與中學同學吃過晚飯後會走到街上欣賞聖誕燈飾，不過到現時為止她堅持不與朋友吃聖誕大餐，她笑說：「我一直有個堅持，覺得聖誕大餐一定要同男朋友去食先夠浪漫，可惜以往幾年都冇對象，不過今年可能有啲眉目。」
Oscar也會招呼十多個朋友到家中開聖誕派對，每年玩得興起時會發出極高噪音被投訴，他說：「好多年我哋都嘈到有警察上嚟叫我哋細聲啲，因為次次一到抽獎時間，個個會又笑又叫失晒控。」Oscar表示聖誕派對的規矩只可買150元以內的禮物抽獎，有一年他便買了150元廁紙，他說：「我有年去超市執咗個半個人咁高嘅紙盒，之後就買咗唔同牌子嘅廁紙，我啲朋友見到咁大盒以為份禮物好勁，點知一拆開就係咁鬧我。」
採訪：李珮洳 攝影：陳俊強
髮型：Canna＠ILColpo
場地提供：德福廣場
