【本報訊】在選舉戰場上，鐵票向來是最重要的元素，大熱也有可能因而倒灶。近日多項數據及分析都顯示，原先被認定在立法會港島區補選「贏硬」的前任政務司司長陳方安生，並沒有必勝優勢；在左派積極為其勁敵、前任保安局局長葉劉淑儀箍票下，兩人走勢叮噹馬頭，一票足以定勝負。決戰前夕，陳太明顯意識到形勢險峻，高呼「我需要每一票」，希望真正支持民主者，投票給真正憑良心做事的陳方安生。 記者：許偉賢
「好多人都抱住一個態度，以為陳太你一定會贏，投唔投票都冇所謂。我就係要話畀人聽，喺呢個選舉，我係無十足把握贏；投票率如果低過五成，對我真係好不利。」經過兩個月的拉票活動，陳太自覺勢危，昨天接受本報訪問時，呼籲選民積極投票，「如果大家以為爭我一票無所謂，呢個一定係錯覺，每一票都好有決定性。」
不能小覷左派鐵票
外界可能以為陳太的告急只是戰術，但事實擺在眼前：剛過去的區議會選舉，可見左派動員力之龐大；一旦泛民支持者明日不站出來踴躍投票，抗衡對方的鐵票，陳太相信，結果對她極為不利，「我嘅主要對手有龐大鐵票基礎，又有好大動員同組織能力；如果投票率偏低，對方好大機會就會贏。」
陳太的主要對手葉劉淑儀，近日的選舉口號都衝着陳太而來，特別是「民主無專利，良心人人有」，顯然想說：陳太有的我也有。「佢（葉太）就係要做到，好似同我陳太冇乜分別，又話支持2012年雙普選、又話有承擔、有良心」；形象模糊化的競選策略，無疑意在搶走陳太的支持票。
「但我相信市民眼睛係雪亮嘅，會睇到邊個憑良心做事，邊個只聽上司指示；邊個肯承擔責任，邊個冚囗囗推搪晒啲責任，「真誠對包裝」之戰，陳太信任市民識得揀，「邊個人真係支持民主，邊個人支持假民主；邊個真真正正代表香港嘅核心價值，邊個唔係，其實都好清楚。」
「希望大家都醒覺」
今次參選的目的，無非是告訴市民，民主普選才能令政府聆聽民意，「最大嘅訊息係：民主同民生不能分割，要從民主選舉、透過一人一票選出嚟嘅特首，先至接受市民意見，否則政權只會向財團傾斜。」正如陳太，兩個月來接受直選洗禮，真正了解基層人士面對的困難；這些市民心聲，從小圈子選出來的特首便不會留意。
這場硬仗要贏，就是希望建制內的聲音不再「一面倒」。「區選結果確實令有啲人覺得好驚訝，希望大家都醒覺；喺立法會裏面，最重要唔好一言堂，唔想立法會俾任何黨派操控。」如果要一個真正公平和諧、真正民主自由的社會；明天的補選，陳太說，需要支持者的每一票。
拉票的日子
由舒適的安樂窩走上街頭，
不論在暖和、在寒冷的日子，
陳方安生清早7時多就上街派傳單。
兩個月的拉票，無非想說：
請出來投真民主的一票。
