周中經過第5輪歐聯，多組大局已定，最失望是華倫西亞提早出局，以佢哋人腳，不下於巴塞、皇馬，周日回師聯賽主場對畢爾包，可以大開殺戒。
華倫西亞周二主場對史浩克04，陣容極具誠意，韋拿、摩連廸斯打箭頭，連養傷多時嘅伊度都復出，可惜艾比達早段紅牌被逐，結果贏唔到，注定出局。其實華倫唔使打歐聯，等新帥朗奴高文多啲時間執番隊波，專心打西甲並唔係壞事；畢爾包上仗對攻力疲弱嘅拉科，都可以失兩球，作客對稍具級數球隊，好似愛斯賓奴、維拉利爾、巴塞都輸波，今次博華倫淨勝3:0波膽。
羅馬全場博5入球
荷甲嘅燕豪芬作客莫斯科擊敗中央陸軍，出線重現生機，不過以該仗所見，燕豪芬攻力確不如前；冇咩休息時間，燕豪芬周六又要作客廸加史卓普，唔好以為廸軍再好似早兩季升班咁做魚腩，主場已經累積4場不敗，今次博一博佢和到燕豪芬，取1:1波膽。意甲方面，羅馬已經出線，主場對烏甸尼斯，雙方又係攻得唔守得，羅馬今季常開總入球5球，羅馬贏4:1、3:2都中。
文︰牽牛
貼士
混合過關3串4
星期六63廸加史卓普和1:1（7.5倍）x
星期日15羅馬[5球]（9倍）x
星期日47華倫西亞勝3:0（12倍）
全中1,075.5倍