今晚捱夜睇完AC大戰祖記，明日先要撐「良心」抗「掃把」，然後夜晚抱囡囡睇紫百合鬥國米，仲要等睇卡卡攞歐足先生、08年歐國盃抽籤……放假，大部份時間都離唔開足球。
係時候檢討上月貼波策略，事實證明以進取投注方式玩擂台，雖然輸嘅日子多，但月尾一鋪翻身，未計最後一日都獲利10%，好，本月繼續。
藍鑽石不嬲貼波憑良心，唔情感對冲，而最近同愛隊AC有番緣份，連續幾場勝和負都貼中，但講信心，今晚始終以巴塞隆拿贏同市細佬愛斯賓奴大啲，愛奴要斷纜咯。
主客和：巴塞隆拿勝
心得：擺明大蝦細
近5場往績：輸贏輸走贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。