黃浩然影而優則視，早前為無綫拍攝多套劇集，他自言非常幸運，甫加盟便與歐陽震華和羅嘉良等資深演員合作。他又表示希望憑電視的影響力提高知名度，縱使演奸角也沒所謂，最好能夠當街被師奶鬧，因這代表他演繹成功！
黃浩然（Raymond）由導演杜琪峯帶入行，甫出道便演出電影《十萬火急》，跟應屆金像影帝劉青雲合作。近來影而優則視的他，便為無綫拍攝劇集《兩妻時代》，跟視帝歐陽震華同場演出。
盼增加知名度
Raymond表示一直以來都非常幸運，合作過的都是名導演和名演員，當中令他得益不少。這趟為電視台演出劇集，他不諱言希望藉此增加知名度，他說：「我唔介意演奸角，作為一個演員梗係希望可以做多啲嘗試，好似電影《犀照》裏面，我試過演出賣朋友嘅角色、喺《新紮師妹》又做過劍雄呢個搞笑角色。你話如果演奸角演到當街俾師奶鬧，我都唔拘呀，即係代表你成功。其實我拍電視劇其中一個原因係貪佢大眾化入屋企，可以增加知名度。」
剃光頭演清劇
在圈中多年，Raymond已經有一班年輕影迷，加入電視圈則能幫他擴大fans層面，不過也要付出代價，就是在短短兩、三個月期間，由於日接夜每日工作20小時，令他的體重由150多磅減至140多磅，瘦了足足一個碼。至近日休息才回復昔日體重，但接踵而來又是另一個挑戰，他笑說：「我呢個頭你睇埋今日咋，我聽日要剃光頭演清裝，都冇乜好擔心嘅，係驚凍囉。」
採訪：何永寧 攝影：陳順禎
