睇波，不少人認為是男人專利，每當聽到球證吹起哨子，有多少對夫妻能夠繼續「並肩作戰」？今次打入《拉闊足球場》的讀者Alan和太太盧小姐，不但齊齊睇波，連買波時也有「雙」有量，叫人羨慕。
藍鑽石今集提供
星期六11車路士2:1韋斯咸（6.5倍）
星期六18布力般流浪1:1紐卡素（8倍）
星期六50阿士東維拉1:2阿仙奴（7.5倍）
起底：Alan和太太盧小姐今集畀3個波膽，當中有兩個為「雙」，事關Alan透露，買「雙」起碼一開波就中，又可以玩到尾，夠過癮。至於貼波有意見不一時點算？自認為較識波的Alan直言，「梗係我話事！」
M：Mike B：藍鑽石 A：Alan 盧：盧小姐
藍：咦，今次丈夫唔係度噃！
盧：（Alan突然從背後彈出）唔係呀，佢係我背後嘅男人！
M：真係俾你哋嚇死，背後的男人Alan，今次有冇咩計謀幫下你太太中3串7波膽呀？我見你貼兩個「雙」喎，係咪又玩單雙嗰瓣？
藍：太太講先啦！
盧：佢就認為阿仙奴好啲，不過周中啱啱輸咗場（1:3負西維爾），不過計實力都應該贏到；呢場佢話「雙」好啲，我交畀佢講啦！
A：阿仙奴之前輸嗰場應該係留力嘅，專登輸波。
藍：我又想問吓，你哋兩公婆好似好夾咁，貼波嘅時候，會係公一份、婆一份，抑或大家夾份買？
A：大家商量好，然後再夾份買。
M：咁總有大家意見不合嘅時候，咁會聽邊個講？譬如老公鍾意阿仙奴，老婆鍾意維拉咁點算？
藍：老公話事定老婆話事？
A：我話事嘅。
M：原來佢先係你背後嘅女人……
A：我熟啲嘛，佢梗係聽我講。
M：藍鑽石都係一樣㗎，佢都係聽佢老婆講。
藍：又擺我上枱！其實未必熟波就一定中，聽吓老婆講啦。
A：係呀，佢好多意見㗎。
M：好，多謝晒你哋，希望你哋繼續有商有量，齊齊買波啦！
Alan貼士
星期六11車路士1:0韋斯咸（5倍）
星期六18布力般流浪3:1紐卡素（14倍）
星期六50阿士東維拉1:3阿仙奴（15倍）
藍鑽石點睇：鬼馬夫婦夠默契
買「入球單雙」幾講運，策略唔特別，但Alan兩夫婦以咁嘅形式「彈出」就夠晒默契、精采，令節目生色不少。入嚟傾波經確實唔需要拘緊，最緊要大家開心。
見到靚女主持怕醜
Mike：今集有靚女主持，會唔會睇得開心咗？
Tommy：（笑）會呀。
Natalie：聽講你係車路士fans噃？
Mike：唔係怕醜呀，Tommy！
Tommy：係呀，我入咗車路士球迷會㖭，得閒一齊睇波呀！
Natalie：我會㗎，今晚有場車路士對韋斯咸，你點睇呀？你一定係捧車路士啦！
Tommy：我覺得車路士會贏，不過會失波。
Natalie：咁你估贏幾多？
Tommy：2:1啦，失1球差唔多。
Tommy貼士
星期六11車路士2:1韋斯咸（8倍）
星期六18布力般流浪4:2紐卡素（60倍）
星期六50阿士東維拉1:2阿仙奴（7.5倍）
獨撐阿士東維拉
藍鑽石：好勁噃，又紐卡素W，又維拉W咁冷，係咪輸到儍咗？
阿樂：咁講嘢呀！成晚都冇人捧維拉，我一定要撐撐佢。佢最近贏布力般贏米堡，主場維拉公園又有威力，睇賠率博得過，而且阿仙奴又有法比加斯傷咗。仲有，維拉領隊奧尼爾會搏呢場，如果撼贏阿仙奴，可能幫到佢爭取教英格蘭。
Mike：不過維拉上場大勝，都因為布力般下半場一開波就打少過，唔係嘅話未必會大勝。
阿樂貼士
星期六11車路士3:1韋斯咸（13倍）
星期六18布力般流浪1:2紐卡素（11倍）
星期六50阿士東維拉2:1阿仙奴（10倍）
車仔主場靠得住
藍鑽石：我覺得車仔對韋斯咸係2:1，你就話車仔一球不失贏1:0，點解？
Marco：車仔主場出擊，加上周中歐聯又大勝洛辛堡，你會睇到佢哋呢兩場踢得好番啲。至於韋斯咸季初踢得唔差，不過作客要打個折扣，我估佢哋就冇波入啦。
藍鑽石：想問多你一句，而家《拉闊》會畀140蚊你買3串7波膽，如果唔限波膽，你會點買？
Marco：如果我自己嚟計，可能會買3串4，揀場穩陣嘅主客和嚟變倍，之後揀兩關波膽。
藍鑽石：咁你有冇代表作？
Marco：暫時都未有。
Mike：睇多啲我哋節目，好快就有㗎啦！
Marco貼士
星期六11車路士1:0韋斯咸（5倍）
星期六18布力般流浪1:0紐卡素（6倍）
星期六50阿士東維拉1:2阿仙奴（7.5倍）
講波有得Fun
只要透過WebCam參加《拉闊足球場》．即可贏取KFC$100現金券及《英超星光15載》紀念冊一本。
想參加？即上 http://soccer.atnext.com/jp/soccer
下次舉行日期：06/12（下周四）8:00-8:40pm約定你
記住下周四8點準時收睇！
https://video.appledaily.com.hk/realtime/feature/soccer
