「好姐」於屯門有一小塊地種菜，最近收成多到吃不完，又不懂門路大量銷貨：「你哋住市區，好想買到新鮮菜，而我家陣對住成行（20斤）生菜，真係滴晒汗！」她向親子王國媽咪求教，然後到雅虎網拍賣，有意買新鮮有機菜人士要注意，每次要買「成行」菜，這個拍賣總比「手指甲」或「一隻波鞋」實在得多！
買家要到屯門摘菜
好姐續說：「我種咗一批紫色羅馬生菜，請一班舊客媽咪食，佢哋返工都無時間取。啲菜每行約有20斤：「因為太多，食唔晒，又唔留得太耐。」平常有人買她的菜，會在地鐵站交收，但她嫌太遠。網友「dincat」叫她不要怕，一於把菜放到雅虎拍賣：「無話唔得，Yahoo咩都有人賣！」
有網友教路，她的有機菜已放到雅虎拍賣，到價即賣，20斤生菜賣$250，不過，買家要親身到屯門摘菜。不過，「eeb」建議：「一個人好少會買成行，但如果畀啲父母帶埋細路一齊當親子活動，可能有得諗。老實講，只要價錢合理，好多媽媽都想買有機菜，但啲媽媽要返工，交收真係唔容易。」
不少網友都因為數量太多而卻步，不能成為好姐的買家，「renren」打趣說：「好姐，不如賣地啦！」
http://forum.baby-kingdom.com/viewthread.php?tid=1211441&extra=page%3D6
《蘋果》網聞版請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]