【澳門直擊】黎姿、李彩華、周汶錡周麗淇姊妹四位美女，昨日齊齊過江在澳門為賭場宣傳。350萬元鑽飾裝身的黎姿，愛美神現身，艷光四射，至於李彩華的勁舞一字馬，露底晒長腿，勁搶黎姿風頭。
澳門興旺，名模紅星日日過江搵真銀。黎姿、李彩華、周汶錡周麗淇姊妹昨日一同出席星際酒店一周年慶典，齊齊玩輪盤及打手印，李彩華更跳舞表演一字馬，力戰愛美神黎姿。
不重金錢
黎姿穿上Valentino晚裝配350萬元鑽飾，性感高貴，她透露劇集《珠光寶氣》會拍至明年1月，之後會暫停拍劇一年，她說：「好多廣告債未還，下年我想去山區探望孤兒，總之身體力行啦，其實我嘅夢想係成立一個慈善基金，不過我知好難。」
黎姿廣告多收入好，問她會否買大禮自賞，她說：「唔使，乜都係身外物。」她直言弟弟發生意外後有所改變，她說：「5、6月後我想全力照顧細佬同細佬間公司，公司運作呢啲係我從來冇試過嘅。細佬𠵱家每日做物理治療，幾辛苦，見佢咁堅強，我都好安慰。」至於是否想從商，她說：「拍劇拍咗十年，都想有新階段，錢唔係令我最開心嘅事，有能力幫人，滿足感更大，可能我去做社工呢。」
舞完贏錢
李彩華昨日在活動上跳舞助興，更騷一字馬功夫，十分厲害，不過露出打底褲的她稍嫌失儀。其後她又在輪盤環節順利勝出，成為「輪后」。李彩華說：「一字馬我都練咗兩個半鐘頭，我中學時學過中國舞，都OK。」問她在大堆男士面前表演，會否感到尷尬，她說：「我冇理喎，我當全部人唔喺度，要顧及自己嘅舞步先，唔得閒。」
此外，周汶錡和周麗淇首次在外地以姊妹檔上陣，酬勞自然豐厚。周汶錡今日正式與鄭希怡（Yumiko）飄移較量，她說：「我𠵱家好勁呀，可以賽車，講笑啫，仲有待進步。」身旁的周麗淇則鬼馬地取笑說：「你練定逃生路線未？有冇買定保險呀，記者要standby呀。」令周汶錡忍不住「啋」聲連連。
採訪：LawWaiMan
攝影：EdwardChou