呢排畢傑好攰，睇歐聯睇到三更半夜之外，第二朝又要早起身踢衞生波；今朝我哋蘋果隊又要出戰記協盃喇，瞓得粒幾鐘即刻上場搏殺，唔攰就呃你嘅。
好彩賭波嗰邊手風終於順番，上周西甲推介兩條大題巴塞隆拿同基達菲全中，巴塞仲中埋3:0波膽；周中歐聯貼燕豪芬同雲達不來梅W又得手，只係擂台為咗力爭榜首，每日大注大注買3串1過關，結果斷纜收場。不過，買單頭嘅話，信心完全返晒嚟。
今期重心揀祖雲達斯「客勝」，因AC冇咗我最愛嘅肥仔朗拿度嘛。
讓球主客和：祖雲達斯勝[+1]
心得：冇肥仔，點生存？
近5場往績：輸贏輸輸輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。