徐子珊噚日抱病接受商台電話訪問，對於近期不停被批評樣醜、演技差同身材唔好，子珊話都有受到打擊，又唔敢匿埋喺房度喊，免得父母知道擔心，惟有揸車時喊，好彩身邊朋友不停支持，最重要係樂易玲畀機會，犯錯都用心機教佢，所以今日得到獎都平常心當無事發生繼續努力去做，好好珍惜機會。