有冇發現本專欄從未試過貼「英超4強」熱W？我想贏，我想中，但更唔想讀者話我畀擦鞋仔貼士。如果今期推介嘅愛華頓下盤，仍未能喺樸茨茅夫嘅費頓公園開出，走投無路，我先再考慮曼聯、車仔佢哋吧。
畢傑
1.星期六19樸茨茅夫vs愛華頓
以兩軍的近況、入球能力及往績去談，樸茨茅夫近9場聯賽不敗，贏足7場，勁；愛華頓則近4場3勝1和，同樣唔差。「老樸」近期有津巴布韋射手馬華路禾尼着晒火，中場卡蘭積卡亦腳風順，但簡奴續因傷缺陣，前線變化不大。
樸茨茅夫內亂不穩
我力撐嘅愛華頓個個炮手當「弗」，上場大勝新特蘭7:1，前線嘅耶高保及卡希爾各梅開二度，安祖莊臣、奧士文與派拿又各省入1粒，須知幾位全是中前場球員，進攻層面上定較樸茨茅夫廣闊，入球板斧──愛華頓贏！加上另一尖刀占士禾漢已在預備組賽事復出，守將史杜比斯及巴尼斯同樣傷癒，現僅餘後備門將伊恩端納一員傷兵，陣容基本上可稱為「夫添」，仲受讓平/半，下盤筍。
往績方面，自樸茨茅夫於03/04年球季升上英超以來，至今8度與愛華頓在聯賽主、客交手，而「拖肥糖」的成績為6勝2負；當中有3場勝仗亦是在費頓公園做出，球迷宜留意。當兩支當銳之師於周六聯賽碰頭，樸茨茅夫縱有地利亦料甜頭不多。
樸茨茅夫近況雖然好，可惜領隊哈利列納捲入英超貪污事件，仲被抓去警署問話，唔多唔少對球隊士氣都有影響。另外，佢本人話喺樸茨茅夫好開心，仲講明話就算被英格蘭國家隊挖角，都唔會走，肯定會留隊。之但係佢嘅愛將蘇甘保同卡蘭積卡就認為，呢位領隊應該走去教英格蘭仲好，假如你鍾意個領隊，會唔會想佢走？大家自己諗啦。
畢傑對呢個下盤信心十足，希望愛華頓可以幫我喺《英超早飛王》重上勝軌。
2.星期六11車路士vs韋斯咸
車路士有艾辛停賽
-大勝可期-
車路士馬隆達及卡維奴等主力因傷缺陣，而波歷克雖已於預備組賽事上陣，惟預料短期內仍不會為A隊披甲，今周則有加納中場艾辛停賽。車仔周中歐聯杜奧巴梅開二度，以4:0大勝洛辛堡，攻力之強不用擔心。韋斯咸上仗全靠對手熱刺前鋒廸科爾尾段射失12碼，才能搶回一分，今周續有比拿美、森莫亞及戴亞等缺陣。
3.星期六18布力般流浪vs紐卡素
紐卡素兩守將復出
-和味頗濃-
布力般流浪周中主場大敗0:4予阿士東維拉，近4場聯賽不勝，明顯狀態下滑。前鋒麥卡菲傷勢雖未像預期般嚴重，今周仍可披甲，但賴恩尼爾遜因停賽缺陣。紐卡素或有守將史提芬泰萊及卡卡巴傷癒復出，而杜夫、奧雲及戴安尼菲爾等要避戰，前線續由馬田斯、維度卡及占士米拿負責攻堅，至少應可保不敗離場，直取和波。
4.星期六20雷丁vs米杜士堡
雷丁杜比利續養傷
-主W加「大」-
雷丁近3場全負，防線雖差，但宜留意他們連續9場聯賽俱能取得入球，對手還包括阿仙奴及曼城等守力強勁球隊。雷丁守將杜比利雖已復操，惟仍未可上陣，現僅餘中場格連列圖一員傷兵，今面對同屬下游分子米杜士堡，取主W及「大」。米堡近況差到不得了，近9場聯賽未嘗一勝，閘位球員安德魯泰萊可復出，但艾卡及美度等主力缺陣。
5.星期六21新特蘭vs打比郡
打比郡靠新帥反底
-直取和局-
新特蘭上場剛被愛華頓大炒7:1，已累積8場聯賽不勝，養傷多時的左中場基蘭李察臣，有望在今周復出，但大有機會先列後備，而前鋒堅韋尼鍾斯則因傷上陣成疑，應難讓對手。打比郡有新領隊祖維爾首度領軍，後衞安廸杜特可傷癒復出，惜球隊攻力甚差，已連續6場未有入球，博雙方和波收場。
6.星期六22韋根vs曼城
韋根齊腳求返勝軌
-吼「細」好路-
韋根是近期英超隊中走勢最差球隊，他們已連敗8場聯賽，當中僅入3球；前線主力希斯基已傷癒復出，基爾賓尼亦無恙，現只餘後備門將拿殊一員傷兵，陣容完整。曼城近仗攻力一般，上場亦僅靠艾利蘭完場前的入球，才能2:1勝雷丁；隊中幾名主力如哥魯卡、米高莊遜及伊美梅賓沙等全部因傷上陣成疑，故吼「細」最好路。
7.星期六50阿士東維拉vs阿仙奴
阿仙奴數主將復出
-維拉僅敗-
阿士東維拉周中作客大破布力般流浪4:0，近4場聯賽全勝，而近期復出的前鋒卡維狀態不俗，已連續兩場有「士哥」，今周可續排強陣迎阿仙奴。阿仙奴周中歐聯收起艾廸巴約、法米尼及加拿斯等主力未有作客西維爾，至於法比加斯上周停賽後，今仗可復出，另外兩名中場希比及戴亞比則續養傷，但尹佩斯有望復出，博小勝而回。
8.星期日19利物浦vs保頓
利物浦前鋒腳風順
-再來「主勝」-
利物浦近期又再回勇，繼聯賽大勝紐卡素3:0後，周中歐聯再以4:1大炒波圖，士氣高昂，而復出的費蘭度托利斯更梅開二度，高治腳風亦順，前線攻力可靠。中場班拿約雖復出，但今仗未知會否繼續正選，沙比阿朗素及賓納則一同避戰。保頓上周爆冷贏曼聯，周中又要出戰歐協盃，體力上無優勢，守將奧拜恩及前鋒希古臣料因傷缺陣。
9.星期日20熱刺vs伯明翰
麥利殊難救伯明翰
-熱刺可勝-
熱刺近月不斷傳出貝碧托夫會被賣走的不利消息，但球隊鋒線上大有人在，就算該名保加利亞射手被收起，仍有廸科爾及戴倫賓特可配搭羅比堅尼。熱刺目前僅餘京治、加特拿及列卡度洛查3名傷兵。伯明翰有新領隊麥利殊首次帶領球隊出戰，但我認為短時間內難即時反彈，而前鋒謝路美及借將中場奧賓拿續養傷，取熱刺勝1:0、2:0。
10.星期一3曼聯vs富咸
富咸3線人腳不整
-紅魔失球-
據悉曼聯前鋒朗尼已可復操，但預期仍未可上陣搏殺，幸有基斯坦奴朗拿度狀態大勇，上場聯賽不敵保頓，正是缺少這名葡萄牙國腳在陣。至於史高斯、施維斯達及朴智星等續長唞。富咸近季與曼聯交手，經常能射破紅魔大門；而球隊續缺不少主力出戰，包括禾斯、門將基拿、麥比廸及布拿特，實力受損。
周末早飛超級重心
-英超-
星期六19
樸茨茅夫vs愛華頓
讓球：愛華頓（下）（1.99）
星期六50
阿士東維拉vs阿仙奴
讓球：阿仙奴（上）（1.8）
星期日19
利物浦vs保頓
讓球主客和：利物浦勝[-1]（1.85）
-西甲-
星期日47
華倫西亞vs畢爾包
讓球主客和：華倫西亞勝[-1]（2.55）