上個月11號，瑞銀將中國神華（1088）一年目標價由35.15蚊，大幅調升到101蚊，中國神華搖身一變成為「中國神話」，當時美林同里昂都話冇可能。份報告10月11號發表，神華股價由高位係咁跌，累跌兩成一，最新收報45.5蚊。
前日（28號），瑞銀認錯，最新研究報告將神華目標價調低至76.64銀。前後只係相差個半月，華華第一時間想睇究竟兩份報告係咪出自唔同分析員，結果兩份報告同出自GheePeh同WeiOuyang兩人之手。
自己推倒自己，究竟點解？報告解釋，由於估計煤價調升，加埋市場普遍計算煤炭股嘅方法，故重新以現金流折讓值方法計算神華市值，得出神華現值50.91蚊，加上50%牛市下可能嘅額外每股價值13.2蚊，再加埋每股12.53蚊公司特別資產價值，就得出76.64蚊目標價。