肥姐沈殿霞早幾日去咗澳門飲契媽林鳳娥嘅生日酒，點知半夜身體不適要送入鏡湖醫院，不過好快出院，肥姐喺澳門休息兩日後返香港直奔瑪麗醫院，檢查休養住咗四日，噚日由秘密通道悄悄出院，所以都冇乜家人朋友再去醫院。肥姐愛女近日忙於為東華晚會綵排，前日仲喺電視城努力緊，噚日就唔見佢出現，可能因為要接媽媽出院先排唔到。