雖然近日有指以麥浚龍（Juno）為首的SillyThing將會重組，但Juno出碟大計未受影響，而且他於下月初會在StarHall舉行一場「JunoMuteMusicLiveShow」，關淑怡及草蜢更會擔任表演嘉賓。不過Juno仍不敢怠慢，積極發掘其他𢱑銀渠道，又推出親自設計的時裝及首飾，直言希望「可以幫補到做碟嘅資金」。
麥浚龍入行第三個大型音樂會將於下月初在容納3,000人的StarHall舉行，他邀請了關淑怡（Shirley）以及草蜢擔任表演嘉賓。Juno表示一直十分欣賞Shirley及草蜢，對上一隻大碟他可以與草蜢合唱感到非常榮幸。
與關淑怡對唱
今次音樂會Juno更開心的是與Shirley合唱，他說：「我覺得Shirley係一個好獨特嘅女歌手，當我邀請佢時，佢一口答應，不過佢就開出一個條件，就係要合唱《雌雄同體》，佢話佢好鍾意呢首歌。」
Juno透露於今次音樂會上預備了一份大禮給歌迷，由於他近年來都很少表演勁歌熱舞，他希望藉住音樂會帶給大家一個回憶，所以他當晚會唱出入行的第一首令大家認識他的歌曲《愛上殺手》，他說：「我本來諗住唔會再唱呢首歌，因為當時出道係公司幫我決定好多嘢，我諗當時跳嗰隻舞好小朋友，既然好多人都成日同我講好耐冇睇過我跳舞，今次音樂會再送畀大家。」
向多方面發展
Juno除了繼續出碟之外，他認為現時當藝人要從多方面發展，他早前接拍電影外，更忙於設計一系列的時裝及首飾，他說：「我唔係話想做一個生意人，只係唱片以外嘅周邊商品賺到嘅錢又可以幫補到做碟嘅資金，而且又可以當係另一方面嘅宣傳。」此外，Juno的下一張大碟繼續會於巴黎、日本等地發行，實行發展不同市場。
採訪：李珮洳 攝影：葉君海
髮型：EdmondofPrivatei
化妝：KhakiofMaeVonMakeup
場地提供：191