容祖兒、孫耀威、光良、陳栢宇以及台灣歌手阿信與阿杜等，前晚在將軍澳電視廣播城錄影《勁歌金曲》，祖兒的《零時零分》奪冠軍歌，她更成為今年最多冠軍歌的女歌手。陳慧琳最近被指拒出席頒獎禮，祖兒會否想過乘勢奪取最受歡迎亞太區女歌手獎？她說：「冇可能喎，仲有好多人攞，我睇好Sammi（鄭秀文），佢個勢擋都擋唔住。我想出多啲受歡迎嘅國語歌先攞呢個獎，唔心急。」
孫耀威表示滿意自己今年的成績，不過對男歌手獎項沒有太大期望，他說：「男歌手睇好Eason（陳奕迅），佢係大比數贏，我去到世界各地啲人識香港歌手都係識佢，希望將來我都可以做到佢咁。」
採訪：駱華齡
攝影：陳偉權