42歲的曹永廉昨日迎娶現年33歲的姜大偉長女姜依蘭，二人奉子成婚，雙喜臨門。曹永廉承諾日後出糧，扣除生活費，悉數交給太太做家用，又大讚姜依蘭是200分的好太太，冧爆愛妻。
曹永廉和姜依蘭（Elaine）昨日在尖沙嘴新世界萬麗酒店舉行婚宴，並安排了律師在席間為他們證婚。由於姜依蘭已懷有7個月身孕，所以婚禮免卻一切繁文縟節，據知整個婚禮花費約50萬元，二人明年2月便會迎接小生命，組織三人之家。
當眾打情罵俏
腹大便便的姜依蘭特別訂做低胸晚裝，配上金頸鏈和金首飾，行頭雖然簡單，但配合新娘和新郎甜到漏的笑容，構成一幅幸福圖。姜依蘭大讚曹永廉是好老公，二人公然打情罵俏，她說：「我嫁得畀佢，我畀佢99分。我婚後盡量學習唔好咁刁蠻任性，咁你（曹永廉）錫我多啲，我又盡量錫番你多啲。」曹永廉聽後冧到痹，立即給太太200分，還承諾要給姜依蘭和BB過好日子說：「日後出糧，扣除生活開支，我全份畀佢。」
一對新人親力親為籌備婚禮，曹永廉說：「噚晚我哋喺酒店過夜，我心情都緊張到瞓唔着，要飲咗兩啖酒，因為今朝冇接新娘，我哋可以瞓到11點先起身。斟茶時，Elaine嫲嫲同佢講咗幾句嘢，佢感動到喊咗出嚟，外父都幫我叫太太唔好咁硬頸。」
肥姐來電祝賀
婚後便要開始着手籌備BB出世安排，所以曹永廉和姜依蘭不會出外度蜜月，他說：「之後要收拾心情等BB來臨。初時接獲有BB消息都有啲壓力，但𠵱家消化咗，接受晒。我好多謝太太，佢陀BB好辛苦。」
外父姜大偉給女婿甚麼評價？他說：「唔好我都唔畀個女嫁佢。」外母李琳琳表示有發帖邀請肥姐沈殿霞的女兒鄭欣宜，她說：「我哋都知肥姐情況，只係請咗欣宜，不過佢要照顧媽咪都可能嚟唔到，肥姐今日仲有打電話同依蘭傾偈。」
採訪：卓寶花
攝影：陳順禎
新郎新娘成長路
