29/11/2007.....
天晴
最新動態
蘋果波神前晚見到愛隊阿仙奴「斷纜」，今日決定行開散散心，所以由小弟代為撐場。
賭波同賭馬好似，可供參考嘅數據多到你唔信：賭馬有人睇血統、有人睇往績，其他如騎練檔位步速都有人揸住嚟賭；賭波看似簡單，亦有唔少人另闢途徑，博球隊單跳、反底、早場特佳等，當正賭「大細」，自得其樂。
唔好笑人，呢啲街坊智慧，有時都幾有用。自從拍住一眾賭波名家，開始逢周四晚做網上節目《拉闊足球場》後，有機會聽到來自港九新界甚至英國嘅讀者，分享賭波心得同經驗。佢哋分析球隊實力、講吓賽績未必夠我哋熟，之但係一樣贏到錢，靠嘅就係獨門心得。
好似前幾集，有位讀者打上嚟講佢買英冠嘅策略，話呢個聯賽場數多，前列球隊輸十場八場都冇所謂，所以佢往往睇準買前列隊對家。前晚就試吓買屈福特同查爾頓對家，結果中到應。大隱隱於市，市井間大把賭波高手。你有心得？記住今晚8點上《拉闊足球場》講波經，仲有大把獎金獎品等你。
http://hk.myblog.yahoo.com/footballexperts/
逢周一至五見報
仙道彬
股市大旺，英超盛世，大家齊來贏多啲！