李彩華、劉綽琪、董敏莉及唐文龍等，噚日喺亞視大埔廠房為《火蝴蝶》試造型，早前有報道話彩華個角色影射已故富婆龔如心，不過噚日就未見李彩華以經典孖辮look亮相。彩華話會為套新劇奉獻螢幕初吻，佢話：「同唐文龍有接吻戲，講我係二、三線明星，仲會有一場講我拍三級片，要俾人強暴，不過最擔心都係要拍跳海嘅戲份。」