楊小娟發起新一輪的「名人名牌慈善二手衫義賣」，為內地偏遠山區的少數民族興建學校。她昨日與捐出200件衫的張玉珊齊齊在中環主持記招，現場放滿由名人明星如關之琳、黎姿等捐出的名牌，黎姿的LV黑皮褸只賣$2,900、賭王何鴻燊三姨太陳婉珍的Dior裙，賣$1,000等。
關之琳包底
楊小娟說：「今次希望籌到50萬，關之琳話咗如果唔夠，會同我兩個人一齊包底，佢之後仲會同我哋一齊去貴州西南自治區睇起學校。」她又謂另一項目，是為山東威海自治區藏民籌買700件羽絨褸及鞋，又希望聯絡香港醫療機構，捐出不用的儀器返內地。問到三姨太首次捐衫，楊小娟即說要親自致電道謝：「佢好爽快，多數係十萬八萬嘅Dior晚裝，已經有好多人肯出高過原定嘅二手價認購。」
採訪、攝影：RitaLeung
