利物浦領隊賓尼廸斯因早排同老細撐到行，搞到領隊個位一陣燒燶味，好彩利物浦球迷好支持佢。好似噚晚歐聯對波圖賽前，就有近5,000球迷遊行抗議吉列同希克斯，以示支持賓尼廸斯。老實講，啲老闆最忌下屬號召力太強，球迷咁做分分鐘害死賓尼廸斯；不過，呢位西班牙領隊咁都有人撐，就算真係被炒都死得眼閉咯！