陳道然（蘭子）、郭羨妮、向海嵐、李詩韻及鄧上文五個歷屆最上鏡小姐，前晚在中環齊齊任護膚品代言人，不過風頭就落在向海嵐及郭羨妮身上，一笑就額現皺紋的陳道然揚言要打Botox保青春。
近年港姐質素備受攻擊，前晚化妝品Covermark找來五位歷屆最上鏡小姐做代言人，包括：88年陳道然、98年向海嵐、99年郭羨妮、03年李詩韻及05年鄧上文，一班不同齡的新舊最上鏡港姐，齊齊穿上晚裝配名貴鑽飾，高下立見，郭羨妮、向海嵐最靚女最有台型，而19年前獲獎的蘭子，就一笑即現皺紋，她說：「雖然我係資歷最深，不過我面上仲有青春痘，即係我仲係好青春。」
緊張額頭現皺紋
年屆38歲的蘭子還直認想打Botox保青春，她說：「呢排一緊張，個額頭就有皺紋，證明我為生活奔波，我想打Botox，𠵱家四圍問緊價。」問她肉緊外貌，是否很恨嫁？她說：「過咗啦！」隨即轉話題，記者笑她講感情就變鵪鶉？她即自嘲說：「無人送過名貴首飾畀我，不過我阿媽有塊家傳的翡翠留畀我，啱晒我，翡翠可以定驚，唔使變鵪鶉。」
談蔡少芬斷背情
前晚同場出現的向海嵐指今次廣告恍如慧妍雅集聚會般，近期好友陳法蓉及蔡少芬傳出斷背情，她即幫口說：「講之嘛，件事幾好笑，𠵱家仲加埋王祖藍變三岔口，使唔使我又加入，加入埋Ada條線一齊發展？」此外，郭羨妮表示近期增磅成功，回升至110磅，她指稍後將到上海與郭晉安拍新劇，更會帶備40個暖包禦寒。
採訪：羅慧敏
攝影：陳俊強
