07滑浪比賽　老外天下

07滑浪比賽　老外天下

第一次參與香港最大型滑浪比賽，難以想像有如此大浪、美景的香港海灘。要享受就要付出，一係與巨浪搏鬥，一係行1小時激斜的山路，用上2小時到達場地。但比起XGame工作人員用上3日時間Setup，真係小巫見大巫。幸得一班型仔靚女傾力比賽，更有峇里Surfer的精采演出，總叫值回票價。唯一遺憾係勝出選手始終係老外天下。

記者：許維雅
攝影：梁細權

滑浪最易賺錢

今年滑浪比賽更首次有全職ProSurfer來港，邀請了兩位來自峇里的Rahtu同Raditya到場表演及任評判。Rahtu同Raditya雖然年紀輕輕，但滑浪動作的確十分專業，比起其他Surfer速度更快，動作更敏捷。他們比起其他國家全職Surfer最大分別係，滑浪可以令生活更好，於峇里人而言，係更易賺錢的工作。

■XGame海報亦係由Rahtu擔當主角，即場很多人要求他簽名留念。

蘋果：滑了多少年浪？於那裏學滑浪？
Rahtu：12年。峇里Kuta。
Raditya：8年。峇里Kuta。

蘋果：當初滑浪的原因？為何會視作全職職業？
Rahtu：因為我屋企十分近海，只須行5分鐘就到，所以細細個已經成日去海灘玩。後來見到有好多人玩滑浪，就開始試吓玩。我都冇做過其他工作，因為讀書時期參加好多滑浪比賽，已經因為得獎而賺到錢，慢慢就變成自己的職業。
Raditya：賺錢囉！又好玩又健康。於峇里，滑浪的確比其他工作更容易搵錢。

蘋果：首次來港滑浪，感覺如何？
Rahtu：比我想像中好好多，啲人又好玩又Nice。啲浪唔太難滑，只係去勢較急。
Raditya：Waveisgood。

蘋果：曾去過那裏滑浪？最喜歡的海灘在那裏？
Rahtu：澳洲、菲律賓及印尼其他地方。我最喜歡始終係峇里的PadangPadang。
Raditya：澳洲、夏威夷及菲律賓。我最喜歡澳洲。

■風高浪急，Rahtu都並非成功追到每一個浪。

■Rahtu滑浪英姿的確跟本地Surfer有一段距離。

■上到浪頂，還擺出Grab板姿勢。

■只得18歲的Raditya坦白率直，坦言滑浪作職業可以搵錢。

女仔為港爭光

07年HongKongSurfCup大賽同樣選址西貢大浪灣舉行，賽事分為男子A、BGrade、女子及Boy共4個組別，大部份參賽者都係不同國籍，如日本、澳洲及非洲等等。結果大部份獎項都由他們奪得，唯一為香港爭回面子的係女子組冠軍的PingTing。

■XGame老闆Ken（左一）早一日前往佈置場地，之後還充當主持工作，由頭講到落尾都冇停過嘴，冇叫攰，還搶住跟男女子冠軍合照，勁！

■巾幗不讓鬚眉，女仔一樣型得起。

■最Pro組別係男子組AGrade，得獎者清一色外國人，冠軍係AndrewDown（左五）。

■每個人都不停向得獎者噴啤酒，為當日尾聲來個熱鬧的完結。

幾百人熱鬧撐場

大浪西灣位於西貢最東的地方，堪稱與世隔絕，要去亦並非易事。我第一次要帶埋重重的行李於幾尺巨浪中游水搶灘，被強而有力的大浪打得半死。如果不熟水性，行山路亦要用上1小時才可到達。即使如此，但一樣吸引幾百人到場支持，更有人不怕艱辛，帶埋BB及小狗同行，享受一個儼如置身外國般的熱鬧下午。

■Oz係Freelance攝影師，帶來一部水底攝影機出海，為滑浪參賽者於海中拍照。

■景靚、人靚，如果唔係咁遠，的確賞心樂事。

■冇份滑浪的少女同樣玩得投入，享受置身外國般的海灘。

■大會更於荒蕪的沙灘準備了一個小食部，提供熱狗、漢堡包及啤酒汽水，將大浪西灣變成十足十外國沙灘的場面。

■識得嘆一族，帶埋紅酒邊飲邊曬。

SnapShot

滑浪比賽一向有吸引力，主因當然Surfer有膽量夠力量，型到不得了。順理成章，必然吸引一班型仔型女到場打氣。即使對滑浪興趣不大，一樣可以望吓一些型人靚人，陶醉一番。