韋斯咸門將羅拔格連最近兩度救出12碼，好多人都覺得如果英格蘭國家隊畀機會佢，可能未必會喺歐國外出局。佢就話國家隊今次出局，係同幾乎所有年輕人都有電視遊戲機有關，因為佢哋掛住喺虛擬世界踢波，喺真實世界就懶得郁。格連仲話如果攞走晒佢哋啲遊戲機，就肯定可以組成一支全球最佳嘅國家隊。