榮雪梅、張燊悅、王馨平、顧美華和邱李茂琪等，昨日在灣仔君悅出席Guerlain護膚品茶敍，榮雪梅一臉倦容，她說：「最近忙睇住個市，都冇得瞓，個人殘咗好多。」她謂手頭上好多貨，但不擔心後市，有一定信心。久未露面的邱李茂琪謂忙於湊仔女，她說：「我近排變咗工人，個仔跌親下巴，個女就驗到有遠視，係隔代遺傳。」
再睇個唱
同場任示範的熊黛林，得悉郭富城個唱開延續篇，即時表示要捧場，她說：「我一定要去睇！」對於城城讚她大方，她甜笑大冧說：「係咩？我都係個好大方嘅人嚟㗎！」隨後她以普通話謂明白城城當紀香是最好朋友，她說：「每個人都有自己朋友，我那天放假也有很多朋友陪，也好，我放假也不想身邊圍滿保安。」
採訪、攝影：LawWaiMan