仲有20幾日就係聖誕節，已經被姨甥仔哦我送禮物畀佢。小妹啱啱失戀，又要招呼呢個小魔怪，真係煩死。噚日頂唔住打電話畀專門賣潮流精品嘅JCshop老友Alan問吓。佢笑笑口話，啱啱喺日本搶到100隻全球最細、最輕嘅遙控直升機返嚟香港，真係新鮮滾熱辣嘅無敵聖誕禮物。
Alan話，呢批直升機係品牌公司TAKARATOMY最新產品，喺下年3月21日先至正式推出，𠵱家趁聖誕試賣5,000隻，「我哋半年前訂500隻，只係配給到100隻。」
Alan話，呢部遙控直升機身長11.5厘米，重10克，賣點當然係全球最細最輕嘅遙控直升機啦，「佢嘅長度只有一個成年人嘅中指咁長，比真嘅蜻蜓都係大小小咋。」加上透明膠殼，可以睇到機內結構。充電20分鐘可以玩到5分鐘。
全港只有100部，攞嚟送畀小魔怪實開心死佢；咪住，乜嘢價錢先？498蚊，即刻落定。查詢電話：31015033。
逢周一至周四刊出