晚上是阿仔睇卡通片的時間，補選論壇最後一場，好歹偷時間轉台來看。阿仔拆屋抗議不在話下，好彩論壇比想像中精采，雖然「背景音樂」是阿仔尖叫的「唔睇新聞」，還算是值得犯這個家嘈屋閉的險，看了下半場辯論。
八個候選人做騷，二打六戰況未變，依然以二位阿太對陣是補選關鍵。陳太選紅，葉劉挑紫，兩位前高官連挑選戰色都是「紅到發紫」配合得這樣夾，果真是官場訓練有素，品味相若。論辯才，無論民主派大佬如何臨急惡補，陳太硬是沒法扭轉口窒的下風。葉劉藐嘴藐舌說不定是另類口才保健操，最後論壇，卻一反藐態，收起蘇絲黃最欣賞的所謂「寸」，向選民自認失敗，求選民「畀多次機會」。葉劉乞票，幾乎聲淚俱下，陳太卻是一如既往，四萬相迎，反映一個懂機變，一個戇居居。亦可以說，一個不擅做戲，是政壇上的老天真；另一個識時務以退為進，寧願吃些少眼前虧，求勝之心堅定。這朵官場兩生花操守風格極度迥異，按香港人醒目識走位個性，精叻選民當會投精刮的葉劉一票。可是，民調中陳太得票高企又怎麼解釋？這就是選戰的弔詭，如果連民調也能操縱自如，民建聯那一夥根本就不必怕2012雙普選啦。我寧可相信市民尊重民調，不會講假話造假勢。葉劉，OK，但拿了六萬元公帑坐上直選議席以後還替官商寸番市民轉頭，選民點睇？這就是民調中兩太始終存在差距的根由。選民今次唔投葉劉，yap，之唔係就想畀多次機會佢咯。