嚟緊周六意甲將上演AC米蘭主場大戰祖雲達斯，祖記隊長廸比亞路賽前提起朗拿度，話希望到時一人入一粒，咁場波咪好可能各一言和？呢對巨星10年前碰頭，一個身材「弗」爆，一個長髮飄逸，多年後再見已經甩毛又大肚腩，唔知到時會唔會攬住喊呢？不過最搞笑係，當年嘅光頭仔朗拿度𠵱家頭髮仲長過廸比亞路！