韓星權相佑同宋承憲合作嘅電影《宿命》明年初上映，但已公開海報造勢，二人大晒胸肌，但海報就被撕成兩半，意味住兩人由朋友變成敵人。另外，權相佑近日趕拍下周一首播嘅新劇《壞愛情》，日前佢同劇集演員喺韓國舉行拜神儀式，據說拜神用嘅祝願紙條燒成灰後，灰燼喺空中飄得越高，收視也越高，因此劇組人員都不停大喊，祈求願望成真。