有錢人獎賞特別重手，何鴻燊送愛女何超雲豪宅做18歲生日禮物，玩具大王蔡志明嫁女送一幢獨立屋。大少林建名前晚就送了一隻50萬元名錶給女婿賀其雜誌創刊，更公告兩女兒，以一顆珍藏40年的10卡綠寶石作餌，重賞第一個外孫。
林建名的瑞士籍女婿、林煒琦丈夫LionelFischer，一向搞出版業，前晚在中環慶祝新雜誌面世，舉家上下撐場。LionelFischer一見記者即大騷手上的FranckMuller鑽錶說：「這是前晚外父（即林建名）送給我的禮物，價值50萬，與casino有關，因為我們的雜誌叫《Baccarat》（百家樂）。」
40年前買落
入場時大少獲兩名性感showgirls錫面，一向風流的他，前晚作為長輩即變得小心翼翼，全程目不斜視，他說：「我好錫呢個女婿，佢好努力，我成日催佢哋快啲生仔。」大女林煒珊曾表示五行不調，難以生育，問他現時可有喜訊？他說：「未有，催緊。」抱孫有重賞？他說：「梗係有啦，我有一粒綠寶石，成10卡嘅，收埋咗好耐㗎喇，係40年前用十幾萬買嘅，𠵱家值幾多就唔知，不過梗係升咗啦。」
大少還講明先生先得，他說：「冇喇，得一粒，先有先得，男女冇所謂，反正都係外孫。」
起好樓先諗
問大少是否買定留給孫？他說：「唔係，本來係買畀老婆，不過𠵱家冇老婆，咪送畀個孫囉。」不心急要內孫？他說：「個仔得19歲，仲喺LA讀書，結婚就太早喇。」雖然有重酬作餌，但林煒琦指兩年後才考慮生育，她說：「我𠵱家幫爹哋做地產，起鱷魚恤大廈，起好先諗。」
採訪：LawWaiMan 攝影：DickyChan
