產後的陳慧珊（Flora）前晚出席其有份演出的《神探》首映禮，完全收身的她透露女兒的英文名字叫Mira，是集合她跟丈夫鍾家鴻的英文名Mike而成。當問她打算何時復出時，她笑言一直也沒有退出過，看來Flora的影迷有福了。
由劉青雲、林家棟、陳慧珊和谷祖琳主演的電影《神探》前晚在圓方舉行首映禮，於9月為丈夫鍾家鴻誕下一女的陳慧珊也有亮相，見她已收身成功，似乎為復出幕前作好準備。
全情投入湊女
Flora自言沒有刻意收身，問湊女是否很大壓力，她說：「唔係壓力，係好開心，一日24小時都畀晒佢。」問她女兒是否已改好名字？她說：「中文名未改，英文名叫Mira，Mira係我同老公個名（Flora及Mike）夾埋一齊。」至於打算何時復出，她說：「其實唔可以話復出，因為從來都冇退出過，一路都有做嘢，唔係好耐冇做嘢，當時拍呢套戲都唔知有咗，到配音時都有成5、6個月，所以覺得自己好似冇離開過。」
青雲蒙眼煮飯
劉青雲跟太太郭藹明以情侶皮褸出席，他透露正拍攝韋家輝新戲《思念》，戲中他扮演一名盲人，他說：「導演安排我去盲人學校上堂，要蒙眼上堂感覺失明人士嘅生活，導師係單對單指導，𠵱家蒙眼都可以煮成餐飯。」
林家棟被問到可知《神探》列為三級電影，他說：「應該係一場割耳仔嘅血腥場面，同埋有一場講我埋劉青雲。不過套戲我未睇，配音時，阿杜只會畀番我哋自己做嗰part我哋睇。」
採訪：卓美娟
攝影：陳志嵐
