講過N次第N屆都唔選特首嘅行會召集人梁振英（CY），從政多年似乎冇乜觀眾緣，CY向來唔介懷，近日終於做番啲嘢，噚日宣佈整咗個個人網站。網站啲料好親民，有大量陳年舊相，包括讀書時黑白相、一家五口合家歡。
CY喺網頁自述1978年留學英國時首次聽到國歌《義勇軍進行曲》，深受感動開始熱烈愛國。網站仲有佢歷年發表文章，最舊一篇係1977年用筆名「江晨秧」喺《信報月刊》發表嘅《透視英國國籍法綠皮書》。筆名由佢媽媽姓氏，再將振英改部首而成。咁大動作搞個人網站，CY第N+1次否認同鋪路選特首有關，解釋純粹方便人睇佢啲舊文。呢個答案邊個信？