鍾鎮濤（阿B）和女友范姜前晚在元朗南邊圍出席「十八鄉博愛慈善盆菜晚宴」，鄧英敏和樊亦敏則擔任司儀，現場設宴200多圍，阿B還捐出一幅他以草書書寫的蘇軾宋詞《念奴嬌》拍賣，最後以10萬元賣出，另外，有善長捐20萬元點唱阿B的歌曲《日日是好日》。
聖誕出自傳
阿B表示聖誕節會推出自傳《麥當奴道》，問他重提昔日生活，會否擔心前妻章小蕙小題大做，他說：「呢啲問題少不免，不過自傳唔同八卦周刊，自己寫出嚟唔係攻擊人，係我一生嘅事。」那麼可擔心前妻發難，他笑說：「唔講喇，𠵱家老婆（女友范姜）坐喺度，一陣佢扑我個頭，出咗先講啦。」
此外，擔任司儀的樊亦敏也捐出三幅個人珍藏的絲綢畫拍賣，她透露現會主力留在港發展，她說：「咁多年冇喺香港宣傳，喺內地拍咗好多大製作都冇人知，𠵱家寧願返香港做其他嘢，亞視都有搵我拍劇同做綜藝節目。」
採訪：藍文浩
攝影：陳順禎