電腦嘅發展唔單止幫到好多人，仲令到唔少人產生惡搞念頭，阿Deep就發現有韓國網友將50名韓國女星嘅靚相，利用電腦重叠左面同右面嚟惡搞，結果有好多明星變成怪雞樣，髮型又古怪，其中李孝利同高賢貞仲慘變「道姑」。
金荷娜難以變靚
李孝利嘅左邊面本來冇問題，但右邊重叠後就變得好瘦，雙眼距離狹窄不特止，仲露出個大鼻窿㖭，再加埋佢個cool樣，結果就成個「道姑」咁款；高賢貞嘅情況就同李孝利差唔多，又係右邊面重叠後塊面瘦晒。至於金晶恩右邊面重叠後，雖然好似後生咗幾年，但個樣仍然古古怪怪咁，令阿Deep慘不忍睹。
不過，基本上有好多女星好似朴詩妍同李多海咁，左右變面後分別唔大，相反金荷娜同韓藝瑟就點樣左右面重叠都咁難睇。要數變面後始終如一嘅明星，可能只有公認清純嘅美女孫藝珍同韓佳人囉。
版主：網盜王尊尼Deep
本欄逢周一至五刊出
網址：
http://kr.fun.yahoo.com/NBBS/nbbs_view.html?bi=1201&bt=2&mi=640139