假如陳太補選落敗，下周的今天，鋪天蓋地的賽後分析就會馬後炮出場。我想比政治評論員捷足先登，提早放炮，解讀葉劉贏陳太的原因：
一、選民相信，葉劉當選，股市會掀開「新一頁」，反彈升上三萬三點。四萬雖然可愛，不過問心講，四萬點呢個位，有溫家寶把關截水，邊個會信何先生的預言呢。
二、葉劉那張宣傳相拍得四平八穩，將廿三條掃把頭豹紋衫和黑超掃晒落衣櫃底，令匆忙投票的選民眼花，唔覺意蓋了印，以為葉劉就是陳太。
三、港島區六十一萬選民中，原來超過四十萬是蘇絲黃擁躉。
四、投票單張太長，選民搵唔到七號仔陳太，以為四號代表四萬。
五、選民尤其是一般男選民有畏太恐懼症，更何況是太中之極畏的「老太」！左派針對麻甩佬懼內性格打壓陳老太，相當成功。葉劉唔靠「乜太」行走江湖，贏到不少寡佬信心票。
六、選民聽從風水佬指點迷津，認為陳太的酒凹雖靚，但葉劉的為食墨更旺。葉劉這樣慷慨「露兩點」，配合西九上馬，必將大利香港經濟。
七、曾特首誠心禱告奏效，民主派星期日應當上教堂贖罪，還敢投票給七號候選人，信不信耶穌打×你！