中環快拍:統一高層趕住走人

中環快拍:統一高層趕住走人

公司上市前梗會搞個機構投資者推介會,sell吓自己,就嚟上市嘅統一食品噚日就搞咗個推介會,畀投資者見吓高層羅智先同林武忠(左及中),唔知兩位係咪趕搭飛機返台灣,推介會一完,兩位高層就喺公關大員「護送」下,急急腳上車走人,記者卡片換唔成,問題冇得問,連相都話唔畀影!公關大員解畫話:「我哋好低調。」不過,有在場嘅投資者似乎唔係咁欣賞佢哋嘅低調,話統一啲食品競爭力唔夠,同康師傅(322)差唔多,未來增長亦唔明顯,第日兩隻內地食品股,買邊隻先,真係要研究吓咁話。
李潤芳攝