如果個個都「多一事不如少一事」，唔知地球會變成點呢？好在，都有人肯搞吓嘢嘅，可口可樂同雀巢一齊開發嘅無糖茶「淳。茶舍」，即日起至12月5日，會喺全港主要地鐵站出入口同人流熱點，免費派發共50萬支特別版250ml「淳。茶舍」，每人限1支。
我問可口可樂搞邊科，佢哋市務總監紀偉如話，因為慶祝淳。茶舍8月開售以嚟受歡迎喎；佢仲話無糖茶銷量過去兩年按年增長超過50%，而即飲茶類飲品就佔整體即飲飲品市場銷量18%。
既然你係消費blog粉絲，梗係與別不同啦，每日首150名手持呢篇消費blog嘅朋友，去到就可以一次過攞到半打，即係6支，送完即止。
今日7:30am至10:00am會喺中環環球中心派，每日地點、時間唔同㗎，下次係11月30日喺銅鑼灣記利佐治街派，時間係4:30pm至7:30pm，其他日子可以打去hotline：26367000問吓。
逢周一至周四刊出