花旗感恩節後的第一個星期五，亦叫做「黑色星期五」，但呢個「黑色星期五」一啲都唔黑，道指升近200點，好友今日應該會搶攻一輪，恒指有機再升600至800點，問題係高位企唔企得住，恒指10日線水平，好淡雙方料有惡鬥。
不過，禮拜四期指結算，淡友控制大局，應該會有優勢，如果炒短線，去到10日線應該係食糊嘅時候。
乜嘢股份會帶個市升上去？唔使諗，一定係地產股，地產股嘅走勢改善咗，樓市前景好，遲啲會再炒減息，買地產股比較安全又有值博率。
新世界C輪9918：新世界（017）上周五收26元，升破降軌阻力，好大機會上試27.7元，破位睇30元，可以諗吓隻C輪9918，隻輪上周五收57仙，槓桿4.5倍（有效3.2倍），對冲值0.7，正股升上30元，9918見87仙，有力翻半番，正股跌穿24.2元止蝕。