謝安琪（Kay）前晚有份出席CASH頒獎禮，昨日她又與孫耀威及林威辰到紅磡出席「靈實耆樂餅義賣活動」，兩個場合她都刻意穿上黑衣掩飾肥胖身材。
緊張致失準
對於被批評在《勁歌金曲》演出失準及身形脹爆，阿Kay表示不會介意，她說：「我承認當晚好緊張，因為好耐冇唱live，我會畀自己一次機會，至於身形問題，我當晚係唱反調着啲着咗好肥嘅衫，咁梗有人鍾意有人唔鍾意。」
阿Kay又透露家人近日被某雜誌追訪，且問了一個十分愚蠢的問題，她說：「我哋屋企係環保之家，平時會收集好多罐同廢紙，之後畀啲婆婆拎去賣，點知有個記者問嗰位收垃圾嘅婆婆同埋我老公，我哋屋企係咪好窮，搞到要賣垃圾，最後我老公教番佢點樣將垃圾分類。」
採訪、攝影：李珮洳