兩年前拍攝《長恨歌》時陷入人生低潮的鄭秀文（Sammi），前晚不但罕有地出席上海「MTV超級盛典」頒獎禮，更透露她將復出拍戲，與陳奕迅演出新片。Sammi又大讚劉德華是她最信任的人，並說：「應該以後好多合作機會。」 上海直擊
鄭秀文前晚在上海「2007MTV超級盛典」獲頒「香港最具風格女歌手」，及後她接受訪問時心情勁靚，除笑指自己的出現嚇親人外，更透露稍後將與陳奕迅（Eason）合作拍攝麥兆輝和莊文強執導的新片。
之後Sammi透過電話接受訪問說：「好耐冇攞獎，放假咁耐，想答謝歌迷。」問到會否出席香港的樂壇頒獎禮時，Sammi即哈哈大笑：「我完全唔知，乜我有新歌咩？」
談到Sammi與Eason合演的新片是甚麼戲種？她說：「少少喜劇，結局好得意，自己咁耐冇拍戲，第一套想handle得輕鬆啲，有啲警匪動作，唔想自己出嚟太擔重，自己第一次同Eason合作都好期待。」拍完這部電影後，會否有信心再拍些較沉重的電影？Sammi說：「都可以，冇乜所謂，拍乜嘢戲種都一樣，最緊要睇劇本、自己應唔應付到，同對導演要有信心。」
同安仔講個信字
對於劉德華稍後會跟她的老闆林建岳合作，Sammi表現興奮說：「開心到爆，從來冇諗過，仲開心過自己嘅嘢，呢個（華仔）係圈中值得好願意百分百信任同畀人安全感嘅人，應該以後好多合作機會。」
此外，飽受喪父之痛的許志安早前公開多謝Sammi，對此Sammi說：「佢係我好好朋友，同樣有好大信任，大家互相信對方，不論任何關係。佢講得我太好，其實佢身邊唔止我一個，個個都對佢好好，我只係盡咗少少綿力。」
採訪、攝影：曾小嘉
