英女皇伊利沙伯二世嘅外甥、已故瑪嘉烈公主兒子林利子爵（ViscountDavidLinley）日前來港，佢係著名拍賣行佳士得（英國）主席，此行主要出席前晚喺灣仔會展舉行嘅佳士得酒會。呢位皇室後人喺酒會上同龔如心契女徐文玠幾好傾。
辦完正事，林利轉戰中環夜蒲，地點係著名夜店KeeClub，同場有另一皇室成員PrincessofEraVonFurstenberg、GucciGroup亞太區總裁鄧婉穎等人，據講林利不時會嚟香港。林利位列英國皇位第12名繼承人，同樣難逃醜聞纏身命運，上月英國皇室爆出「性與毒品」勒索案，法庭頒令禁止英國傳媒公開傳聞主角個名，不過意大利、澳洲及美國網站就懶理，指林利懷疑就係案中苦主之一。