啱啱喺老細生日會捧咗個芝麻綠豆獎、鬆毛鬆翼嘅「法拉利」，喺公仔箱嘅犯眾憎程度，相信都刷新近年紀錄，全公司冇女藝人睬佢，得番啲麻甩佬對佢呢個發電廠有興趣。法拉利自從行性感上位後，鼻大過燈籠，雙眼生喺頭殼頂，佢對同級數嘅姐仔，最叻講是講非，而且佢仲做埋格價專家，打探人哋做騷、出席活動嘅價錢，你收$5,000，佢就收$4,000，再唔係唔減價但加送15分鐘玩遊戲，總之佢一定諗到橋搶job，露肉就當然另計啦。
姐仔前晒命
其他公仔箱姐仔覺得同佢鬥劈價，會自貶身價，所以寧願唔接，但法拉利竟然專登走去啲姐仔面前晒命，實在極乞人憎，不過點解佢咁把炮呢？原來佢係極少數擦得掂「大師」嘅女藝人，佢有恃無恐，呢期就梗係臭寸啦！
Textby關仁
