家陣無論大街小巷，有關諾記N81的廣告幾乎無處不在，但為何偏偏少咗啲特色？外形上，佢確實有幾分似N80，但功能再不局限於拍片、聽歌咁簡單，講白啲，就係追加咗N-GAGE遊戲新玩法！用緊N81嘅朋友可能問：「點解內置遊戲只有《SpaceImpact》、《FIFA2007》及《ASPHALTStreetRules3》三隻試玩版咁少？」其實俾用家單撈N-GAGE嘅網站ovi.nokia.com仲有成個月先正式推出，除遊戲之外，稍後仲有實用軟件、音樂同短片俾你下載。其實現時透過Wi-Fi、3G已可即時單撈，打機唔使再專登買張GameCard，計計埋埋應該慳唔少㗎！
記者：陳國輝
