歐陽震華（Bobby）日前到美國角逐「第35屆艾美獎」最佳男主角，結果落敗之餘更鼻子爆瘡，昨日他到旺角帝京酒店，宣傳新劇《兩妻時代》時也要戴上口罩。
Bobby說：「醫生證實我係生蛇，話我細個出水痘處理得唔好，影響咗神經線，醫生話唔使戒口，但蝦蟹豉油唔好食。自己個樣已經唔好，仲要喺面上加啲咁嘅嘢，如果我話整容，一定有大把人贊助。」Bobby因為鼻瘡未癒，拍攝中的《法證先鋒II》也要停工數天，先跳拍其他部份。
笑Toby大包
活動上眾演員又扮鬼扮馬，Bobby更一手揸落穿上筋肉人裝的湯盈盈胸上，身為女主角的她，指Bobby在劇中要揹起她與梁靖琪這兩個大包袱，Bobby聞言抵死地說：「Toby（梁靖琪）大包啲！」
採訪：卓美娟
攝影：陳偉權