26/11/2007.....
天晴
最新動態
戒賭馬多年，周日偶然之下喺屋企欣賞日本盃；雖然對參賽馬及騎師都陌生，不過睇到日本人擅長包裝嘅一面，全場日本馬迷揮舞國旗，支持國家馬，入閘前又有銀樂隊表演，西裝筆挺嘅司閘員，精神抖擻地指揮入閘，結果又如主場馬迷所願，由日本馬賞月勝出。
擅於包裝又何止競馬，足球亦然；講技術、外援水平，J-league應該低過英冠、意乙，不過勝在包裝好，起碼球員都搞吓外表，靚靚仔仔咁落場，平均都吸引一、兩萬球迷。紅鑽呢啲勁旅，3、4萬都唔出奇。而且戰果又搞到好有話題性，上周六我就捉到鹿島鹿角作客打低浦和紅鑽，點解？事關J-league近兩季都要鬥到最後一周先決定冠軍誰屬；上周六鹿角贏波，紅鑽只領先1分，本周六煞科戰就有好戲睇。
本地波口口聲聲要重振，不過連球員最基本嘅尊嚴都得唔到保障，日頭踢波，夜晚要搵兼職，球迷又邊有興趣支持？
http://hk.myblog.yahoo.com/footballexperts/
逢周一至五見報
牽牛
股市大旺，英超盛世，大家齊來贏多啲！